呀姑娘1同2諗住俾個簡單啲嘅症我睇，等我呢排唔好成日激到嘔血。點知呢個竟然係極品。
又係少女：穿咗耳窿三日。今日洗面嘅時候唔知點樣樣可以大力到隻手Fing親隻耳仔。跟住佢耳珠流血，覺得係短短幾個小時入面已經發左炎，所以佢想過嚟洗傷口。借問聲你隻手有幾污糟？
見到佢耳珠，有好多乾左嘅血跡。點解隻耳仔流血佢唔抹走啲血嘅？又唔Attempt 去止血一路由得佢流嘅？
我話要佢除咗隻耳環檢查下，佢話隻唔除得。咁我點檢查個耳窿呢？又點樣好好地洗傷口呢？最尾佢都係堅持唔郁隻耳環。我知佢驚除咗耳環會埋口。我夠有四個耳窿啦。阿姐我帶咗耳環幾廿年，有咩耳窿嘅嘢我未見過。只要你好狠心一嘢拮返穿個窿就得㗎啦。你又要驚發炎，又唔比我除你想點。（細個讀書啲鬼妹同學每日係用鉛筆，自己拮下拮下隻耳窿，連錢都慳返。人哋又冇發炎喎⋯⋯）
Any肥，我淨係見到耳珠背開始瘀，冇含膿，同佢講唔使擔心，冇咁快會發炎住。佢同我講瘀左唔係即係發炎咩？我真係忍唔住問咗佢一句，你知唔知咩叫瘀，即係微絲血管爆左OK？佢話咁咪即係發炎。我個刻唔想再講嘢。我將佢交咗比姑娘，叫佢唔除耳環儘量消毒隻耳仔。
#我好攰我想同返啲正常人講嘢
～～
收手信時間！
Search